யாருக்கான அரசு?

அச்சப்படவேண்டாம்
உங்கள் பணம்
உங்கள் கையில்...
இன்னும் இரண்டுநாளில்
வங்கிகளில்...
அஞ்சலகங்களில்...
இன்னும் சில இடங்களில்...
மாற்றிக்கொள்ளலாம்.


உடனடியாய் தேவையென்றால்
சுடுகாட்டிலும்
மருத்துவமனைகளிலும்
உங்கள் பணம்
செல்லுபடியாகும்.


பிணத்தை எரிக்க
600 உருவாய்
எங்களிடம் சில்லரை இல்லை
வேண்டுமானால்
சின்னப் பிணமாக ஒன்று
தாருங்கள்
1000 மாய் கணக்கிட்டுக்கொள்ளலாம்.
மீதி சில்லறை இல்லை.


மயக்கம் வருகிறது
நெஞ்சில் வலிக்கிறது
650 உருவாய்
மருத்துவமணையில்
வேண்டுமானால்
நாளையோ
நாளை மறுநாளோ
எப்போதோ வர இருக்கின்ற
வயிற்று வலி
கால் வலிக்கு
1000 உருவாய் கொடுத்துவிடுங்கள்
மீதி சில்லறை இல்லை.


கழிப்பறைத்தவிர
வேறு எங்குமே
பணமாகச் செலவளிக்காத
மேட்டுக்குடியினருக்கு
எவ்வளவு செலவோ
அதை மட்டும் அட்டையை செறுகி
அப்போதைய தேவை மட்டுமே
செய்துகொள்ளலாம்.


கருப்புப்பணமோ
கள்ளப்பணமோ
எதுவென்றாலும்
காகிதமாய் வைத்துதிருக்க
அவர்கள் ஒன்றும்
அப்பாவிகள் இல்லை.


மனையாக
மாளிகையாக
அடுக்ககங்களாக
அன்னிய நாட்டு
இரகசிய கணக்குகளாக...


முகனூலில் சொன்னார்...
சுவிஸ் பேங்குல கைய வைக்கச் சொன்னா
கிறுக்குப்பய
சுருக்குப்பையில கைய வைக்கான்...

யாருக்கான அரசு
யோசிப்போம்